തിരുവനന്തപുരം നഗരസഭയുടെ നേതൃത്വത്തില്‍ നഗരത്തിലെ വ്യാപാരി വ്യവസായി സംഘടനകളുടെ യോഗം ചേര്‍ന്നു. കോവിഡ് വ്യാപനത്തിന്‍റെ പശ്ചാത്തലത്തില്‍ കച്ചവട സ്ഥാപനങ്ങളില്‍ പാലിക്കേണ്ടുന്ന നിയന്ത്രണങ്ങളെ സംബന്ധിച്ചും പ്ലാസ്റ്റിക്കിന്‍റെ ഉപയോഗം നിയന്ത്രിക്കുന്നത് സംബന്ധിച്ചും യോഗം ചര്‍ച്ച ചെയ്തു. കര്‍ശനമായ കോവിഡ് നിയന്ത്രണങ്ങള്‍ പാലിച്ചുകൊണ്ട് മാത്രമെ വ്യാപാര സ്ഥാപനങ്ങള്‍ പ്രവര്‍ത്തിക്കുവാന്‍ പാടുള്ളൂവെന്നും നിയന്ത്രണങ്ങള്‍ പാലിക്കാത്ത സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കുന്നതിനും യോഗം തീരുമാനിച്ചു. ക്ഷേമകാര്യ ചെയര്‍മാന്‍ എസ്. സലിമിന്‍റെ അദ്ധ്യക്ഷതയില്‍ ചേര്‍ന്ന സ്ഥിരം സമിതി അദ്ധ്യക്ഷന്മാരായ പി.ജമീല ശ്രീധരന്‍, ആതിര. എല്‍.എസ്., ജിഷ ജോണ്‍, ഡോ. റീന.കെ.എസ് എന്നിവരും നഗരസഭ സെക്രട്ടറി, ഹെല്‍ത്ത് ഓഫീസര്‍, വ്യാപാരി വ്യവസായി സംഘടന പ്രതിനിധികള്‍, മറ്റ് ഉദ്യോഗസ്ഥര്‍ എന്നിവര്‍ പങ്കെടുത്തു.
- 14 views